Forteljingar
I denne boka er det samla 14 forteljingar som opphavleg vart publiserte einskilt. Dei er skrivne i åra frå 1878 til 1900, altså den viktigaste perioden i Garborgs diktargjerning. Utvalet opnar med "Ein fritenkjar", den første forteljinga Garborg skreiv. Det er eit stykke som set problem under debatt. Av dei andre kan nemnast "Stordåd", ei gripande lita novelle om to fattigborn i Christiania. "Han Lars i lia" er noko så sjeldsynt frå Garborg som ein humoreske om den norske latskapen. Utvalet sluttar med "I heiane", ei skildring av ei fjellvandring frå Jæren til Setesdalen.
Vis info om boka Skjul info om boka
| Nivå | Voksen |
|---|---|
| Utgitt | 2014 |
| ISBN | 9788203357497 |
| Format | Ebok |
| Språk | Nynorsk |
| Salgsdato | 16.09.2014 |
| Emne | Klassisk litteratur |
Arne Garborg
Arne Garborg var fødd 25.1. 1851 på Garborg i Time på Jæren. Som odelsson sa han nei til farsarven. Han tok lærarutdanning og deretter ein oppsiktsvekkjande god studenteksamen. I 1877 vart han redaktør av nynorskavisa Fedraheimen og året etter debuterte han skjønlitterært med Ejn fritænkjar. Garborg var ein mann som hadde kjent på kroppen 1800-talets krise i den norske bondestanden. Samstundes tok han innover seg som få andre dei store politiske og kulturelle omveltningane som gikk føre seg i Europa i hans levetid. Han gjorde nynorsk til litteraturspråk og blei ein av Nordens og Europas store moderne forteljarar. Med sitt mangslungne talent femnar Garborg sin forfattarskap det meste. I tilleggg til romanane skreiv han lyrikk, skodespel, essays, gjendiktningar, omsetjingar og debattinnlegg.
Les mer